Ապարատային կոսմետոլոգիա

Cynosure Elite iQ

Skintel®  

Skintel® - մելանինի քանակը ստուգող միակ սարքը ոլորտում՝ հետևյալ խնդիրների բուժման արդյունավետությունն ապահովելու համար՝         

• Մազահեռացում՝ մաշկի բոլոր տեսակների համար
• Մինչև 4 մմ տրամաչափով անոթային բարորակ ախտահարումներ
• Բարորակ պիգմենտային ախտահարումներ
• Կնճիռներ
• Գորտնուկներ
• Սպիներ
• Մաշկի ձգվածքներ (ստրիաներ)
• Փսորիազ
• Ռոզացեա
• Պսևոդոֆոլիկուլիտ
• Օնիխոմիկոզ

ԲԱԶՄԱՖՈՒՆԿՑԻՈՆԱԼ ՍԱՐՔԱՎՈՐՈՒՄՆԵՐ             

Inmode aesthetic solutions (էսթետիկ լուծումներ)

TRITON by INMODE

Սարքավորման կիրառումը, Ցուցումներ

• Մարմնի ուրվագծում Body FX
• Ցելյուլիտի բուժում Body FX
• Լիֆթինգ (մաշկի ձգում) BodyFx, Morpheus
• Մաշկի հյուսվածքային փոփոխությունների (սպիներ, մաշկի ձգվածքներ (ստրիաներ), պոստակնե, կնճիռներ) բուժում Morpheus, Fractora
• Պիգմենտացիայի բուժում Lumecca
• Ռոզացեայի, կուպերոզի, փոքրիկ տելանգիեկտազիաների բուժում Lumecca
• Դիոդային լազերով մազահեռացում – Diolaze                                        

MORPHEUS 8

Ամբողջ մարմնի համար նախատեսված առաջին և միակ ֆրակցիոն տեխնոլոգիան ենթամաշկային ճարպային շերտի վերամոդելավորման համար (SARDS): Չնայած արտաքին կիրառմանը, այն ներկայացնում է ամենախորը ֆրակցիոն տեխնոլոգիան, որը թույլ է տալիս ներթափանցել պացիենտի մաշկի խորը շերտերը և վերակառուցել կոլագենը:

FRACTORA

Մաշկի երիտասարդացման ժամանակակից, ոչ ինվազիվ մեթոդ՝ առանց վիրաբուժական միջամտության:

BODY FX

Երրորդ սերնդի՝ մարմնի ուրվագծում՝ հիմնված ապոպտոզի (ճարպային բջիջների ծրագրավորված վերացման), մաշկի ձգման և ցելյուլիտի բուժման վրա:

DIOLAZE by Inmode

DIOLAZE

Դիոդային մազահեռացում

Lumecca by Inmode

Lumecca SR 515/580 – առաջատար IPL համակարգ՝ հիմնված սելեկտիվ ֆոտոթերմոլիզի տեխնոլոգիայի վրա, որն աշխատում է 515-1200 նմ և 580-1200 նմ IPL ալիքի երկարության տիրույթում: Թույլ է տալիս իրականացնել ամբողջական ֆոտոերիտասարդացում (մաշկի թերությունների շտկում) ընդամենը 1-2 պրոցեդուրայով:

ՄԱՐՄՆԻ ԿՈՐԵԿՑԻԱՅԻ ՏԵԽՆՈԼՈԳԻԱՆԵՐ

SORISA
IMPRESS LITE MED – խելացի պրեսոթերապիա

Խելացի պրեսոթերապիա Impress Lite Med-ը ամենաարդյունավետ մեթոդն է արյան շրջանառության (երակային և ավշային) ակտիվացման համար: Խթանում է միջբջջային հեղուկի ռեաբսորբցիան​​ և դրաֆիզիոլոգիական դրենաժը:

Պրեսոթերապիան ցուցված է երակային և ավշային այտուցների, ցելյուլիտի, արյան շրջանառության վատթարացման հետևանքով առաջացած տրոֆիկ խանգարումների, ինչպես նաև արյան շրջանառության խանգարումների կանխարգելման և արյան ճիշտ շրջանառության և արտահոսքի պահպանման համար:

CLASSYS

ULTRAFORMER III

Բազմաֆունկցիոնալ, բարձր ինտենսիվության ֆոկուսավորված ուլտրաձայն

MFHIFU – Multi-Functional High IntensityFocusedUltrasound

դեմքի և մարմնի լիֆթինգի համար

Լրակազմում՝ 1.5; 3.0; 4.5; 6.0; 9,0 մմ

- բարձր ինտենսիվության ֆոկուսավորված ուլտրաձայն:

- հյուսվածքների լիֆթինգ և ձգում՝ առանց վիրահատության:

- դեմքի և մարմնի պրոցեդուրաներ:

Նկարագրություն

Դեմքի և պարանոցի տարիքային փոփոխությունների դրսևորումները շատ բազմազան են՝ չորություն, կնճիռներ, մաշկի տորգուրի և առաձգականության նվազում: Սակայն դեմքի և պարանոցի փափուկ հյուսվածքների ծերացման ամենանենգ ախտանիշներից մեկը իջեցումը կամ գրավիտացիոն պտոզն է:

Պտոզի ի հայտ գալը կապված է ոչ միայն մաշկի և ենթամաշկային հյուսվածքի ինվոլյուցիոն փոփոխությունների, այլև մակերեսային մկանային ապոնևրոտիկ համակարգի (SMAS) ամրացման կետերի ձգման և թուլացման հետ: SMAS-ը անատոմիական ֆիբրոմկանային կոմպլեքս է, որը բաղկացած է 2 շերտից (մակերեսային ֆիբրոզային և խորը մկանային), և կատարում է հիմնակմախքի և դեմքի ձևի պահպանման ֆունկցիաներ։ Ուստի փափուկ հյուսվածքների արդյունավետ ձգման համար անհրաժեշտ է ներազդել ինչպես մաշկի խորը շերտերի, այնպես էլ SMAS-ի վրա: Ներկայումս SMAS-ի վրա ներազդելու միակ ոչ ինվազիվ միջոցը ուլտրաձայնի միջոցով ձգման մեթոդն է՝ HIFU (High Intensity Focused Ultrasound):

Դեմքի և մարմնի վրա գործողության մեխանիզմը:

Բուժման ընթացքում ինտենսիվ ֆոկուսավորված ուլտրաձայնային ալիքը 13.0, 9.0, 6.0, 4.5, 3.0, 2.0 և 1.5 մմ խորության վրա ստեղծում է ջերմակոագուլյացիոն գոտիներ ենթամաշկային ճարպային շերտում, դերմայում և SMAS-ում: Բարձր ինտենսիվության ուլտրաձայնը, հյուսվածքների տատանում առաջացնելով, հանգեցնում է դրանց տեղային տաքացմանը, որին հաջորդում են կծկումը և նոր կոլագենի սինթեզի խթանումը: Ուլտրաձայնային տատանումների ազդեցության հստակ ուղղորդման շնորհիվ ապահովվում է էներգիայի նպատակային մատակարարում առանց շրջակահյուսվածքները վնասելու: Ազդեցության գծի երկարությունը կարող է տատանվել 5-ից 25 մմ միջակայքում, իսկ կոագուլյացիայի կետերի միջև հեռավորությունը կազմում է 1, 1.5 և 2 մմ՝ կախված կիրառվող ՈւՁ էներգիայի ինտենսիվությունից: Բազմաստիճան ներգործությունը երաշխավորում է դեմքի և պարանոցի փափուկ հյուսվածքների ծավալային եռաչափ բնական լիֆթինգ: Արդյունքը նկատելի է պրոցեդուրայից անմիջապես հետո և ամրապնդվում է 2-3 ամսվա ընթացքում:

Ուլտրաձայնային լիֆթինգի պրոցեդուրայի ցուցումները

• Դեմքի ուրվագծի դեֆորմացիա:
• Ճակատի, հոնքերի պտոզ (իջեցում):
• Վերին կոպերի չափավոր իջեցում և ավելորդ մաշկ:
• Ստորին կոպերի չափավոր ավելորդ մաշկ:
• Այտերի կախվածություն և թուլացում:
• Քիթշրթունքային արտահայտված ծալքեր:
• Շրթունքների անկյունների իջեցում:
• Ենթածնոտային շրջանի մաշկի կախվածություն և գունատություն:
• Դեմքի, պարանոցի և դեկոլտեի մաշկի գունատություն և կնճռոտություն:
• Դեմքի և մարմնի անհամաչափություն:
• Պոստակնեի սպիներ:
• Դեմքի մաշկի գունաբացում:
• Հետծննդաբերական որովայն:
• Ուսերի շրջանի մաշկի թուլացում:
• Մարմնի ուրվագծերի մոդելավորում:
• Եվ տարիքային փոփոխությունների հետ կապված բազմաթիվ այլ ցուցումներ:

Alma Hybrid
MASTER YOUR CRAFT

Իր տեսակի մեջ առաջին և միակ սարքը, որը միավորում է էներգիայի երեք հզոր աղբյուրները եզակի համակցությամբ, ինչն ապահովում է աննախադեպ արդյունքներ՝ ժամանակի զգալի կրճատմամբ: Առաջարկելով անսահմաափակ հնարավորություններ և ստանդարտ ֆրակցիոն լազերին մեծապես գերազանցող լիակատար վերահսկողություն, Alma Hybrid TM-ը հնարավորություն է տալիս ձեզ սահմանել բուժման բոլոր ասպեկտները՝ մաշկի երիտասարդացման և սպիների բուժման բոլորովին նոր, նախկինում երբեք չկիրառված տարբերակով:

Ստեղծված լինելով աբլիացիոն, ոչ աբլիացիոն և ջերմային պրոցեդուրաների լայն շրջանակի համար՝ Alma Hybrid TM-ը համատեղում է երեք հիմնական էներգիաների ուժը՝ ստեղծելով յուրահատուկ սիներգիկ էֆեկտ:

CO 2 – լազեր -աբլացիոն, կոագուլյացիոն և ջերմային պրոցեդուրաների օպտիմալ համադրություն՝ արդյունավետ, բարձր ճշգրտության ֆոկուսավորված կամ ֆրակցիոն լազերային պրոցեդուրաների համար:

Լազեր - 1570 նմ - հզոր ոչ աբլացիոն մոդուլացված մանրաթելային լազեր, որը ստեղծում է ջերմային էֆեկտ, ինչը նպաստում է նոր դերմայի սինթեզին՝ չդիպչելով էպիդերմիսին:

IMPACT

IMPACT տրանսէպիդերմալ մատակարարման (TED) համար- արտոնագրված ուլտրաձայնային տեխնոլոգիա, որը հաղթահարում է մաշկի կողմից արտադրվող ներբջջային հեղուկի ուժը՝ CO 2 լազերով ստեղծված միկրոուղիներով դեղամիջոցները և կոսմետիկ միջոցները տրանսէպիդերմալ եղանակով հասցնում է մաշկի խորքը կամ մաշկի այլ շերտեր՝ լավագույն արդյունք ստանալու համար:

HyGrid™ Հասցված է կատարելության

Անվտանգ, ճշգրիտ և ունիվերսալ HyGrid™-ը առաջարկում է CO 2 և 1570 նմ լազերների առավելությունները մեկ ապլիկատորում, ինչը թույլ է տալիս կարգավորել մաշկի աբլյացիայի և ոչ աբլյացիայի հարաբերակցությունը՝ արդյունավետ բուժման համար անհրաժեշտ ճշգրիտ համամասնությամբ (յուրաքանչյուր պացիենտի պահանջներին համապատասխան):

Շնորհիվ մաշկի վրա լազերային ալիքի երկու երկարությունների օպտիմալ ազդեցության, պրոցեդուրաներն ապահովում են բարձր արդյունավետություն, հարմար են մաշկի ավելի մուգ և ցածր աբլյացիոն խտությամբ տեսակների համար, ինչը նվազագույնի է հասցնում պրոցեդուրայի ժամանակը:

Pixel Co2 (Alma Lasers, Israel)

PIXEL CO2 բարձր հզորության լազերային համակարգը իդեալական է CO2 լազերային մշակման համար` արտոնագրված տեխնոլոգիայով, որն ապահովում է առավելագույն ջերմային տաքացման գոտի, ինչն էլ խթանում է կոլագենի և էլաստինի մեծաքանակ արտադրությունը:
Ներկայացնելով մաշկի երիտասարդացման լավագույն տեխնոլոգիաները՝ PIXEL CO2-ը համատեղում է աբլիացիոն լազերի ստուգված արդյունավետությունը և կոմֆորտի ու արագության բարձր մակարդակը պացիենտի հարմարավետության հետ, ինչի շնորհիվ առաջանում է ոչ աբլիացիոն ներգործության զգացողություն:

Alma FemiLift

FemiLift–ը նշված սարքի առանձին ապրանքանիշերից է, որը կիրառվում է գինեկոլոգիայում: Այն միակ սարքն է, որն ունի հեշտոցի համար ռոբոտացված գլխիկ, ինչը մասնագետին ազատում է մեխանիկական երկար գործողություններից, ինչպես նաև ապահովում է առավել միատարր մշակում:

Առավելություներից է նաև մեկանգամյա օգտագորման հիգիենիկ գլխիկների առկայությունը։

     Գինեկոլոգիա

• Կանանց արտաքին սեռական օրգանների ինվոլյուտիվ փոփոխություններ
• Հեշտոցային ատրոֆիա
• Արտաքին սեռական օրգանների ատրոֆիկ փոփոխություններ
• Արտաքին սեռական օրգանների քսերոզ (մաշկի չորություն)
• Սկլերոատրոֆիկ որքին(կրաուրոզ)
• Հետծննդաբերական զոլեր
• Անմիզապահություն՝ նախնական աստիճանի
• Լայն հեշտոցի համախտանիշ
• Սեռական դիսֆունկցիա
• Պապիլոմաներ
• Վուլվովագինալ հատվածի պապիլոմաներ
• Գրանուլոմաներ
• Լաբիոպլաստիկա (սեռական շուրթերի պլաստիկ վիրահատություն)

ՏԵԽՆՈԼՈԳԻԱՆԵՐ  ԴԵՄՔԻ ԷՔՍՖՈԼՅԱՑԻԱՅԻ, ԲՈՒԺՄԱՆ ԵՎ ԽՈՆԱՎԵՑՄԱՆ ՀԱՄԱՐ

Alma
For Your Life

DERMACLEAR

DermaClear-ը հիդրոդերմաբրազիայի առաջադեմ լուծում է, որը գործում է 3-ը 1-ում սկզբունքով։

DermaClear-ը մշակվել է մաշկի բարձրորակ, անվտանգ և մանրակրկիտ մաքրման աճող պահանջարկը բավարարելու համար: Ուսումնասիրությունները ցույց են տվել, որ քաղաքային միջավայրում աղտոտիչ նյութերը, տոքսինները և քիմիական նյութերը կարող են վնասել մաշկը, իսկ կոսմետիկ միջոցների լայն կիրառումը նաև խցանում է մաշկը և նպաստում ծերացմանը: DermaClear Hydradermabrasion պրոցեդուրաները լավագույն լուծումն են՝ մաշկի պրոֆեսիոնալ խնամք իրակացանցելու համար:

ՏՐԻԽՈԼՈԳԻԱՅԻ ԵՎ ՄԱԶԵՐԻ ՓՈԽՊԱՏՎԱՍՏՄԱՆ ՏԵԽՆՈԼՈԳԻԱՆԵՐ

INDIBA DEEP CARE

HAIRWAVE

Ցուցումներ.

• Տարբեր ծագման մազաթափության բուժում

INDIBA® HairWave սարքում օգտագործվում է այնպիսի համակարգ, որը նպաստում է արյան հոսքին՝ խթանելով բջիջների առողջ գործունեությունը և ակտիվացումը։ Իրականացվում է հատուկ 448 կՀց ռադիոհաճախականությամբ՝ ստեղծելով ջերմային և ենթաջերմային էֆեկտներ:

Ինչպե՞ս է այն աշխատում:

INDIBA® տեխնոլոգիան, արտոնագրված Proionic® համակարգի շնորհիվ, բարձրացնում է հյուսվածքների ջերմաստիճանը և բջիջների ակտիվությունը՝ ներսից խթանելով և հագեցնելով հյուսվածքները թթվածնով՝  նպաստելով արյան հոսքի մեծացմանը: Դա էլ իր հերթին նպաստում է անհրաժեշտ սնուցող նյութերի ներթափանցմանը, որի հետևանքով մազի ֆոլիկուլի հիմքում գտնվող բջիջները բազմանում են (միտոտիկ և ռեգեներատիվ ակտիվություն):

INDIBA®-ի օգտագործման արդյունքում արյան հոսքի ավելացումը և բարելավումը նաև նպաստում է նրան, որ ամինաթթուները (սպիտակուցների անհրաժեշտ բաղադրիչները) հասնում ենմազային ֆոլիկուլին, որոնք այնուհետև ներառվում են կերատինի կառուցվածքում(մազային ֆոլիկուլի և միջուկի կառուցվածքում անհրաժեշտ սպիտակուց)՝ ամրապնդելով և բարելավելով դրա որակը: 

Տեխնոլոգիա Cell Boost

Արտոնագրված Cell Boost տեխնոլոգիան օպտիմալացնում է INDIBA® Hair Wave պրոցեդուրայի արդյունավետությունը՝ ուժեղացնելով և բարելավելով բուժման արդյունքները:

IMAGING EXCELLENCE FROM
CANFIELD

HAIR METRIX

Մազերի առաջին, ոչ ինվազիվ կոնսուլտացիա՝ արհեստական ​​ինտելեկտի օգտագործմամբ։

Ամբողջովին ավտոմատացված, իրական ժամանակի ռեժիմով այս վերլուծությունը չի պահանջում կտրել մազերը և թույլ է տալիս անմիջապես տեղեկացնել պացիենտներին համապատասխան բուժման պլանների և վերլուծության  արդյունքների մասին։

MANTIS 

Mantis և Mantis Elite Universal x6-x20 օբյեկտիվով

Առանց ակնապակիների 3D ստերեոմանրադիտակը նախատեսված է մազերի փոխպատվաստման կլինիկաների համար, քանի որ այն թույլ է տալիս բուժքույրերին աշխատել ավելի արդյունավետ և երկար, բայց ավելի քիչ հոգնածություն զգալով և ավելի հարմարավետ պայմաններում: Աշխատանքային մեծ տարածությունը, լայն տեսադաշտը և դիտման ընթացքում մարմնի հարմարավետ, անկաշկանդ դիրքը թույլ կտան կարճ ժամանակում ընտրել մազային ֆոլիկուլների առավելագույն քանակ փոխպատվաստման համար: Առանց ակնապակիների 3D ստերեոմանրադիտակը բժշկի համար ապահովում է բացառիկ հարմարավետություն և բարձրակարգ 3D պատկեր:

SORISA

PHOTOCARE

PHOTOCARE –ը ֆոտոթերապիայի սարքավորում է:

Ցուցումներ.

• Վերականգնում՝ մաշկի վրա լազերի ներգործությունից, պլաստիկ վիրահատություններից, խորը պիլինգից հետո:
• Մաշկի ոչ վաղ վիրահատական և այրվածքային հետքերի վերացում:
• Ռոզացեա, ակնե, հիպերպիգմենտացիա, մաշկի վնասվածքներ:
• Տարիքային փոփոխություններ (մաշկի թուլացում, կնճիռներ, տուրգորի իջեցում, դեմքի անառողջ երանգ):
• Մաշկի չորություն, սեբորեա:
• Մազերի փոխպատվաստումից առաջ և հետո:

Ֆոտոթերապիայի սարքավորման աշխատանքը հիմնված է բարձր պայծառության և հզորության LED լուսադիոդների օգտագործման տեխնոլոգիայի վրա:

460-ից 645 նմ ալիքի երկարությամբ ճառագայթների տիրույթում տեսանելի լույսը ներգործում է բջջի էներգիայի գլխավոր կրիչ մոլեկուլի (ադենոզինեռֆոսֆատ) վրա և ակտիվացնում է նյութափոխանակության ռեակցիաների ամբողջ շարքը, ինչը հանգեցնում է ներգործության ենթարկված հյուսվածքի էներգետիկ հզորության ավելացմանը: